МТ салбар асар хурдтай хөгжиж буй энэ цаг үед цаг алдалгүй бусдаас суралцах өөрийгөө сайжруулах, чадах зүйлээрээ бусад туслаж , байгууллагууд дээрээ шийдсэн сайн шийдэл туршлагаа бие биедээ хуваалцаж , хамтарч ажиллах хамгийн чухал.

Б.ЭрдэнэбаярТэнцүү Тойрог, Co-founder, CTO

Мэдээллийн технологийн салбарын хүний нөөц залуужсан үед залуучууд бидний үүрэг оролцоо салбарт маань нэлээдгүй чухал болсон билээ. CIO club маань залуучуудынхаа дуу хоолойг сонсож туршлагаасаа хуваалцан хамтдаа өсөж хөгжих боломжийг бүрдүүлэн ажиллаж байгаа ба МТ-ын салбарын хүний нөөцийг бүрдүүлэхэд чухал нөлөө үзүүлэн ажиллах болно. Монгол улсад төдийгүй дэлхийд МТ-ийн салбар хурдацтай өсөж байгаа цагт бид тасралтгүй суралцаж, хөгжиж салбартаа төдийгүй улсдаа хөрөнгө оруулалт хийх цаг нь ирсэн ба CIO club нь тухайн зорилгыг чиглэн ажиллаж байна.

Б.УуганбатCOREMIND, CTO

Дижиталчлал хурдацтай хөгжихийн хэрээр байгууллагуудын уламжлалт тогтолцоог өөрчлөн, бизнесийн онцлогт тохирсон технологийн оновчтой шийдлийг нэвтрүүлэх нь Мэдээллийн технологийн захиралуудын томоохон сорилт болж байна. Богино хугацаанд бүтээмжийг нэмэгдүүлэх шаардлага тулгарч буй эрин үед компанийн үйл ажиллагаанд хэмнэлт, үр ашиг, өрсөлдөөний давуу талыг үүсгэх, борлуулалтыг нэмэгдүүлэх зэрэг эерэг өөрчлөлтүүдийг бий болгоход тухайн бизнесийг хариуцаж буй бусад экосистемийн талуудтай нягт хамтран , хамтын ажиллагаагаа өргөжүүлэн ажиллах нь чухал. Иймээс Мэдээлэл технологийн ажилчдыг чадавхжуулах, хоорондын харилцаа холбоо, хамтын ажиллагааг сайжруулах нь МТ хариуцсан удирдлагууд бидний хамгийн том үүрэг юм.

Ч.АгиймааУдирдах зөвлөлийн гишүүн